Sédula

Dokumentu di identifikashon ofishal na Kòrsou.

Ken ta bin na remarke pa un sédula?
Tur persona for di 12 aña, ku ta inskribí den Registro Sivil di Kòrsou.

Kiko mester hasi?
Promé sédula pa muchanan for di 12 aña:
Tata, mama, òf tutor mester akudí ku e yu menor na Kranshi;

Personanan ku a kaba di inskribí den Registro Sivil di Kòrsou:
Tres (3) despues ku a inskribí den Registro Sivil di Kòrsou, personanan for di 12 aña mester akudí na Kranshi pa saka sédula.

Personanan ku ta biba na Kòrsou:
Promé ku e sédula kaduká mester akudí na Kranshi pa renob’é.

Kua dokumento mi mester tin?
Promé sédula pa un menor (12 pa 17 aña):
• Sédula, reibeweis òf pasport válido di tata, mama òf tutor;
• Buki di kasamentu òf buki di famia;
Opshonal:
Konvokatoria (oproepkaart) di Kranshi, si a risibí esaki.

Sédula ku a kaduká/ sédula kibrá:
E sédula ku a kaduká / e sédula kibrá

Sédula ku nan a hòrta/ a pèrdè:
• Reibeweis òf pasport válido;
• Deklarashon di polis (no mas bieu ku 6 luna).

Sédula pa personanan ku no tin nashonalidat Ulandes:
• Pasport òf reibeweis válido;
• Pèrmit di estadia válido.

Sédula pa personanan ku pa motibu di salu no por yega Kranshi:
• Sédula di petishonario (e persona ku ta malu);
• Sédula, reibeweis òf pasport di miembro famia enkargá;
• Karta di speshalista.

Kon largu ta dura pa prosesá?
Si tur dokumentu menshoná keda aprobá lo haña e sédula mesora.

Kuantu mester paga?
Promé sédula / renobashon:
• 0 te 17 aña Nafl. 1,--
• For di 18 aña Nafl. 15,--

Sédula ku nan a hòrta/ a pèrdè:
• 0 te 17 aña Nafl. 11,--
• For di 18 aña Nafl. 25,--

Kon largu e sédula ta bálido?
• Personanan ku Nashonalidat Ulandes 5 aña
• Personanan ku no tin Nashonalidat Ulandes pareu ku término di pèrmit di estadia

Nota:
Tene kuenta ku e sédula ta propiedat di Pais Kòrsou. Na momentu ku haña un sédula di un otro persona òf den kaso ku un persona fayesé, mester entregá e sédula na Kranshi.

Na unda mi mester akudí?
Registro Sivil i Elekshon (Kranshi)
Roodeweg 42
Tel: 434-1600 Fax: 461-8166
E-mail: info.bsbv@gobiernu.an

Orario:
• Djaluna pa djaweps 8:00 am – 3:00 pm (non stop)
• Djabièrnè 8:00 am – 1:00 pm (non stop)



Tuma nota ku e informashon aki ta un guia general. Na tur momentu mester sigui instrukshon di e ámtenar na e departamentu menshoná.
Pa mas informashon tuma kontakto ku Bentana di Informashon 0-800-1515 (grátis).